KO'CHMA TURIZM EKOLOGIK TA'SIRI

Abstract

Mazkur maqolada Navoiy viloyatida ko‘chma turizmning ekologik ta’siri keng yoritiladi. Viloyatning cho‘l hududlari, Nurota tog‘lari va Zarafshon daryosi bo‘yidagi tabiiy landshaftlar ko‘chma turizm uchun asosiy resurs sifatida ko‘rib chiqiladi. Ko‘chma turizmning ijobiy ta’siri sifatida ekologik ongni shakllantirish, tabiatni asrash, mahalliy resurslardan oqilona foydalanish va biologik xilma-xillikni saqlash masalalari tahlil qilinadi. Shu bilan birga, salbiy ta’sirlar – chiqindilar muammosi, suv resurslariga bosim, tuproq eroziyasi va hayvonot dunyosiga aralashuv kabi ekologik muammolar ham ko‘rsatib o‘tiladi. Xalqaro tajriba, xususan Mo‘g‘uliston va Qozog‘iston misolida ekologik barqarorlikni ta’minlash uchun qo‘llanilayotgan yondashuvlar Navoiy viloyatida qo‘llash mumkin bo‘lgan amaliy model sifatida taqdim etiladi. Statistik ma’lumotlar asosida turistik firmalar soni, xizmatlar hajmi va joylashtirish vositalarining o‘sishi ko‘rsatilib, ko‘chma turizmning ekologik va iqtisodiy salohiyati ilmiy-analitik tarzda baholanadi.